ألعاب الشلة - El Shella Games

القعدة ناقصها لعبة حلوة؟ ألعاب الشلة بتجمعلك أحلى الألعاب الجماعية بالمصري في أبلكيشن واحد، للصحاب والعيلة والسهرات.

العبوا بطريقتين: • موبايل واحد بيلف على القعدة، ومحدش محتاج ينزّل حاجة. • أو كل واحد من موبايله في أوضة أونلاين: اعمل أوضة وابعت الكود أو اللينك، وصحابك يدخلوا في ثانية، حتى لو كل واحد في بلد.

الألعاب:

مين أنا؟ اشرح الشخصية لفريقك على 3 مراحل: بالكلام، وبعدين بكلمة واحدة، وفي الآخر بالتمثيل من غير ولا حرف. أكتر من 1000 شخصية من أفلامنا وأغانينا وكورتنا.

سؤال وجواب اقرا الأسئلة لفريقك وجاوبوا أكتر عدد قبل الوقت ما يخلص. أكتر من 1000 سؤال في فئات كتير، والأسئلة بتصعب من مرحلة للتانية.

ارسمها ارسم الكلمة والباقيين يخمّنوا، في فرق أونلاين أو كل واحد لنفسه. والأسرع في التخمين ياخد نقط أكتر.

ربع قرد كل واحد يزوّد حرف لحد ما الحروف تبقى اسم دولة. شاكك إن اللي قبلك بيضحك عليك؟ قول «أشك».. واللي يغلط ياخد ربع قرد، و4 أرباع يبقى قرد كامل ويخرج.

نوك آوت سؤال واحد للكل، و10 ثواني تكتب إجابتك في السر. اللي إجاباتهم زي بعض يطلعوا، حتى لو بنفس المعنى بكلام مختلف. فكّر في إجابة محدش هيقولها.. وآخر واحد يفضل يكسب.

خمّن إنت وصاحبك، كل واحد معاه حاجة سرية من نفس الفئة. اسألوا بعض بالدور ومين يعرف حاجة التاني الأول؟ استخدم «انسف الصورة» و«هس، مسمعش صوتك!» في الوقت الصح.

وكمان: • ببلاش، ومن غير ما تعمل حساب. • بالمصري، وكمان سعودي وإنجليزي وفرانكو. • ضيف صحابك بكود، وشوف مين أونلاين، وادعيهم لأوضتك بضغطة. • اكسب نقط وإنت بتلعب، وافتح بيها أبطال وفئات جديدة. • ألعاب ومحتوى جديد بينزلوا باستمرار.

الجديد في النسخة دي: • لعبتين جداد: «نوك آوت» و«خمّن». • نظام النقط: اكسب نقط وافتح أبطال وفئات جديدة. • ادعي أكتر من صاحب لأوضتك مرة واحدة. • لو خرجت من أوضة في نص اللعبة، ترجع مكانك. • لينكات الأوض بتفتح التطبيق على طول. • بونص للرسام في ارسمها على حسب صعوبة الكلمة. • سؤال وجواب أونلاين بقى أسرع، وتنبيه لما يجي دورك.

تسجيل الدخول بأبل أو جوجل اختياري، وبيضيف الصحاب والدعوات والنقط بس. سياسة الخصوصية: https://cantaloupepro.com/privacy

من Cantaloupe Production