BarnaStund

Skemmtilegt og fræðandi efni fyrir börn á íslensku. BarnaStund styður við íslenskuna á meðan börnin skemmta sér.

BarnaStund er íslenskt smáforrit sem hjálpar börnum að læra, hlusta og njóta íslenskunnar á skemmtilegan og fræðandi hátt. Markmið smáforritsins er að styðja við málþroska barna og vekja áhuga þeirra á íslensku í gegnum sögur, leiki og barnaefni með íslensku tali.

BarnaStund býður upp á allskonar afþreyingu fyrir börn. Hægt er að hlusta á sögur, lesa og skoða myndasögur, horfa á íslenskt sjónvarpsefni og spila skemmtilega leiki. Börnin geta leikið sér að teikna og hægt er að vista allar teikningar og hægt að skoða þær og breyta síðar. Allt efni sem að börnin sjá er við hæfi og síað eftir aldri.

Foreldrar geta stýrt því hvað börnin gera í smáforritinu. Hægt er að læsa einstaka flokkum sem dæmi leikjum með leyninúmeri. Ekki þurfa allir notendur að hafa sömu stillingar og því hægt að stýra því hvað hvert barn sér og getur gert. Einnig er hægt að stilla daglegan skjátíma og þannig takmarka notkun. Foreldrar geta síðan í lok dags séð hversu mikill tími fór í hvað, t.d. séð hversu mikið börnin horfðu á barnaefni yfir daginn.