Kopesha

Kopesha ni programu ya kusimamia mikopo kwa taasisi za fedha nchini Tanzania. Imetengenezwa kwa ajili ya microfinance, SACCOS, VICOBA na taasisi nyingine zinazotoa mikopo, ili ziweke kumbukumbu zao mahali pamoja badala ya madaftari na Excel.

USIMAMIZI WA WAKOPAJI
Sajili mkopaji mara moja, kisha fungua historia yake wakati wowote — mikopo aliyopewa, aliyolipa, na kilichobaki. Tafuta kwa jina au namba ya simu kwa sekunde.

MIKOPO NA MAREJESHO
Andika mkopo na ratiba yake ya marejesho. Ona mikopo hai, inayokaribia kumalizika muda, na iliyochelewa. Pokea marejesho na tengeneza risiti papo hapo.

RIPOTI ZA KWELI
Ona faida halisi kwa kipindi unachochagua — riba iliyopokelewa, hasara, mtaji uliotolewa na uliorejeshwa. Kila malipo yanagawanywa kati ya mtaji na riba kwa uwiano wa mkopo wenyewe, kwa hiyo namba unayoiona ni ya kweli, si makadirio. Pakua kumbukumbu kwa CSV kwa ajili ya vitabu vyako.

UJUMBE WA SMS
Mtumie mkopaji ukumbusho wa malipo, taarifa ya kuchelewa, au risiti — moja kwa moja kutoka kwenye programu.

WATUMISHI NA RUHUSA
Tengeneza akaunti za watumishi wako na uchague kila mmoja afanye nini: kusajili wakopaji, kutoa mikopo, kupokea marejesho, kutuma SMS, kuona ripoti. Kila kitendo kinaandikwa kwenye kumbukumbu.

WASIFU WA UMMA
Fungua wasifu wa taasisi yako ili wateja wanaotafuta huduma za kifedha wakupate — jina, mahali, namba ya simu na huduma unazotoa. Mteja anaweza kukuomba umpigie simu, na ombi hilo linakuja moja kwa moja kwenye programu.

KWA WATEJA
Tafuta taasisi za fedha zilizosajiliwa zilizo karibu nawe, ona mahali ziliko, kisha uwaombe wakupigie. Ni bure, na wewe ndiye unayechagua.

MUHIMU
Kopesha haitoi mikopo, haipokei maombi ya mkopo, wala haiamui nani apate mkopo. Kopesha ni programu inayotumiwa na taasisi kusimamia mikopo yao, pamoja na orodha ya umma inayoonyesha taasisi hizo. Taasisi zenyewe ndizo zinazotoa mikopo kwa masharti yao, na zenye jukumu juu yake.