BBAT (Ota-ona)

BBAT (Ota-ona) - farzandingizning bog'chadagi kuni kaftingizda.

Bolangiz bugun bog'chaga bordimi? Nima yedi? Tarbiyachi qanday e'lon qoldirdi? To'lov muddati qachon? Endi bularning barchasi uchun qo'ng'iroq qilish yoki guruh chatini varaqlash shart emas - hammasi bitta ilovada.

BBAT - maktabgacha ta'lim muassasalari uchun yaratilgan tizimning ota-onalar uchun mo'ljallangan qismi. Ilova bog'cha ma'muriyati va oila o'rtasidagi aloqani soddalashtiradi.


ASOSIY IMKONIYATLAR

- Davomat nazorati
Farzandingiz bog'chaga kelgan yoki kelmagan kunlarni real vaqtda ko'ring. Oylik davomat tarixi bir ekranda.

- Sabab bildirish
Bola kasal bo'lsa yoki bog'chaga bormasa, ilova orqali oldindan xabar bering. Qo'ng'iroq qilish shart emas.

- To'lovlar va hisob-kitob
Oylik to'lov summasi, to'langan va qolgan qarz, to'lov tarixi - hammasi shaffof. Muddat yaqinlashganda eslatma keladi.

- Kunlik menyu
Bugun nonushta, tushlik va kechki ovqatda nima berilishini oldindan biling.

- E'lonlar va yangiliklar
Bog'cha ma'muriyati va tarbiyachidan kelgan e'lonlar, tadbirlar, ota-onalar yig'ilishi haqidagi xabarlar bildirishnoma orqali darhol yetib keladi.

- Bir nechta farzand
Bog'chada bir nechta bolangiz bo'lsa, hammasini bitta hisobdan boshqaring. Profillar orasida bir tegishda o'ting.

- Guruh va tarbiyachi ma'lumotlari
Farzandingiz qaysi guruhda, tarbiyachisi kim, bog'cha manzili va aloqa raqami - hammasi qo'l ostida.


KIMLAR UCHUN

Ilova bog'chaga qatnayotgan bolalarning ota-onalari va vasiylari uchun. Ro'yxatdan o'tish uchun farzandingiz BBAT tizimiga ulangan bog'chaga biriktirilgan bo'lishi kifoya.


NEGA BBAT

— Tez va yengil: eski telefonlarda ham ravon ishlaydi
— Tushunarli interfeys: birinchi ochishdanoq hammasi joyida
— Bildirishnomalar: muhim xabarni o'tkazib yubormaysiz
— Ma'lumotlaringiz xavfsiz saqlanadi


QANDAY BOSHLASH

1. Ilovani yuklab oling
2. Farzandingiz bog'chaga ro'yxatdan o'tkazilgan telefon raqamingiz bilan kiring
3. SMS code orqali tasdiqlang

Agar kirishda muammo bo'lsa, avvalo bog'cha ma'muriyatiga murojaat qiling — telefon raqamingiz tizimda to'g'ri Kiritilganini tekshirish kerak bo'lishi mumkin.


ALOQA VA QO'LLAB-QUVVATLASH

Taklif, savol yoki xatolik haqida bizga yozing - har bir murojaatni o'qiymiz va ilovani yaxshilashda hisobga olamiz.

BBAT bilan farzandingizning bog'chadagi hayotidan doim xabardor bo'ling.