Bato

Дислексијата претставува состојба при која мозокот различно го процесира пишаниот или говорниот јазик. Еден од десет луѓе на планетата земја се соочува со дислексија. Таа може најдобро да се опише како комбинација од способности и потешкотии што се однесуваат на процесот на учење во неколку области, како на пример читање, пишување, спелување, а понекогаш и математика. Дислексијата не треба да се гледа како попреченост, туку како стил на учење. Дислексијата не зависи од интелигенцијата, од социо-економските услови ниту, пак, од начинот на подучување. Едноставно, мозокот на учениците со дислексија ги примаат надворешните информации, пишани или говорни, на различен начин. Децата со дислексија имаат одредени заеднички ментални функции, како што се креативноста, интуицијата, гледањето имагинарни слики како 3Д-проекции. Дислексичарите размислуваат доминантно со слики, а не вербално, поради што се соочуваат со тешкотии при дешифрирање на пишаните зборови, кои не претставуваат слики, туку симболи за некој предмет, појава, активност или опис.

Важно е да се нагласи дека дислексијата не претставува болест туку невролошка состојба која предизвикува потешкотии во читањето.

За лицата со дислексија од голема помош е асистивната технологија, како што се специјално дизајнираните фонтови, екстензии, книги и разни алатки кои го олеснуваат процесот на читање.

Додатокот Bato е креиран врз основа на првиот кириличен фонт DyslexicFZF кој го олеснува читањето кај лицата со дислексија.

Целта на плагинот е да се подобрат следните аспекти:

1. Разбирање на прочитаното Алатката ќе овозможува форматирање на текстовите од веб страните со стандарден фонт во текстови со фонтот DyslexicFZF со цел олеснување на читањето; Покрај форматирањето на текстот алатката ќе овозможува и менување на бојата на позадината на текстот во бои кои овозможуваат полесно читање и можност за зумирање на текстот.

2. Поттикнување на независност