Argun Showroom

Танилцуулга Аливаа байгууллагын оршин тогтнох үндэс нь хэрэглэгч тул тэдний анхаарлыг татаж, холбоо тогтоон, улмаар оюун санаанд хоногшиход орчин үеийн маркетингийн хандлага, хөгжил чиглэж байна. “Аргун Групп” ХХК нь дэлхий нийтэд маркетинг, сурталчилгааны шинэ давалгааг тодорхойлж, аливаа пи арыг богино хугацаанд, сонирхолтойгоор, бага зардлаар өндөр үр дүн, хүртээмжтэй хүргэж буй дэлхийн дэвшилтэт AR (Augmented Reality) технологийг сүүлийн 5 жилийн хугацаанд өөрийн орны онцлог, чадамжид тохируулан нийгэм, эдийн засаг, боловсрол болон бизнесийн салбарт амжилттай хөгжүүлж, нутагшуулан ажиллаж байгаа билээ. Энэхүү AR технологи нь ялган таних алгоритм дээр үндэслэн бодит ертөнцийг 2D, 3D дүрслэлээр баяжуулж, цахим контенттой холбох дэвшилтэт технологи бөгөөд ухаалаг утас, таблет зэрэг төхөөрөмжийн тусламжтайгаар хэвлэмэл материалыг нэмэлт мэдээлэл, дуу дүрс, бичлэг болон 3 хэмжээст дүрслэлээр баяжуулан, аливаа контентийг олон нийтэд илүү ойлгомжтой, хүртээмжтэй хүргэж чаддаг. Бид хэрэглэгч – байгууллагын харилцааг шинэ түвшинд гаргаж, технологийн хязгааргүй нөөц боломжийг ашиглан харилцан үр өгөөж үүсгэх, дэлхийн хөгжилтэй хөл нийлүүлэн алхахад гүүр болох зорилгоор AR технологид суурилсан “AR Mongolia” платформыг зах зээлд нэвтрүүлж байна. Хамтдаа маркетингийн шинэ давалгааг эхлүүлцгээе.