Gestor Negocio

Rasca e Gaña no Nadal é unha campaña de apoio ao consumo local impulsada polo Concello de Cambre.

Agora comprar en Cambre ten premio!

Poderás participar na Campaña Rasca e Gaña até o 5 de xaneiro de 2022, a partir dese momento a APP deixará de estar operativa e non poderás recibir máis premios. A partir desta data, poderás trocar os premios acumulados até as 24.00 horas do 31 de xaneiro.

A través desta APP poderás acceder a dous tipos de premios diferentes que se explican a continuación.

Premios directos:

A través de cestas de Nadal que poderás recoller no Concello. Repartiranse 5 cestas de Nadal valoradas en 125 euros cada unha e 140 cestas de Nadal valoradas en 65 euros cada unha.

Este tipo de premios son exclusivos para establecementos de venda polo miúdo de alimentación e hostalería.

O premio recollerase no Dependencias da Axencia de Desenvolvemento Local en horario de 8.00 a 15.00, acudindo co teu móbil para acceder á APP e mostrar o premio.

Premios indirectos:

A través de bonos desconto para realizar compras nos establecementos participantes. Poderanche tocar en todos os negocios participantes na campaña, incluído alimentación, servizos, hostalaría e comercio.

Desde a propia APP poderás comprobar os negocios que se incorporan á campaña Rasca e Gaña no Nadal e mesmo acceder á súa xeo localización.

Os bonos desconto poderán ser de 5, 10 ou 20 euros, neste caso deberás gastar o importe nunha ou varias compras no establecemento no que che tocou o premio (agás que o premio che tocara nun local de hostalería, nese caso, decides o negocio no que gastar o bono).

Se o bono desconto premiado é de 50 ou 100 euros, poderás gastalo ademais noutros establecementos diferentes, non só no que che tocou o premio.

Os bonos desconto de 5, 10, 20, 50 e 100 euros funcionan como un moedeiro electrónico, de tal forma que a propia APP rexistra o saldo gastado e o que tes pendente para consumir noutras compras.

Os bonos desconto de 250 euros, podes utilizalo até nun máximo de 5 establecementos, poderás fraccionar o gasto nun mínimo de 50 euros por compra.

Os requisitos e características para todos os premios: • Estar rexistrado na APP, • Aceptar os termos legais e as características das bases (publicadas tamén na páxina web do Concello de Cambre), • Velar polo correcto funcionamento da Campaña Rasca e Gaña no Nadal, actuando de boa fe e sen usos fraudulentos do sistema,

Os bonos dos premios, directos e indirectos, xéranse de forma automática e dixital na propia APP a través dun código QR que o establecemento participante escanea unha vez realizada a compra, prestación de servizo ou consumición (en diante compra).

De forma instantánea a propia APP comunícache si a túa compra obtivo premio ou non. No caso de que sexa premiada, indicarache o importe correspondente e engadirase automaticamente ao teu perfil de conta da APP, unha vez que o negocio que reparte o premio e no que realizaches a compra, rexistre o ticket da mesma (a través dunha foto) e acepte o trámite do premio.