بلوچی چاچ | Balochi Chaach

بلوچی ءِ چاچ ءَ انگریزی ءَ Riddle یا Enigma ءُ اردو ءَ پہیلی ءُ فارسی ءَ چیستان گوٛش انت۔ چاچ انچیں جُست انت کہ چریشی ءَ مردمے ءِ زانت ءُ علم ءِ چکّاسگ ءَ کنگ بنت۔ چاچ ءَ جُستانی پسّو ءِ بابت ءَ اشارہ دیگ بیت دانکہ چہ ہمے معنا ءَ پسّو دیوک وتی عقل ءُ زانت ءِ رِدا پسّو ءَ بہ دنت۔

بلوچی چاچ ءِ اے ایپلیکیشن بلوچی دود ءُ ربیدگ ءِ زانشت ءَ ڈیجیٹل زمانگ ءَ آرگ ءِ یک جہد ءُ کوششت یے۔

اے چاچ چہ غوث بخش صابر ءِ کتاب بلوچی چاچ، قدیر مجید ءِ کتاب چاچ گنج ءُ ڈاکٹر فضل خالق ءِ چاچ ءُ مچاچاں زرتگ انت۔


مئے مول ءُ مراد بلوچی زبان ءِ ڈیجیٹلائزیشن کنگ ءَ وتی بہر ءِ مان کنگ انت، آئی ءِ زبانی ءُ لبزانکی ربیت ءَ پہریزگ ءُ نوکیں ٹیکنالوجی ءِ زمانگ ءَ دیمروئی دئیگ انت۔ اے ایپ ءِ وسیلہ ءَ ما وانندہ ، نبشتہ کار ءُ بلوچی ءَ گوں ھُب ءُ واھگ داروکیں مردمانی کمک ءَ کنگ لوٹ انت۔

منّت وار، سلامت بات ئے۔