VAQF

Insoniylikni ustuvor tamoyilga aylantirish
Vaqf faoliyatida yordam ko‘rsatishda dini, irqi, millati yoki ijtimoiy holati farqlanmaydi. Biz uchun muhim bo'lgan yagona mezon - insonning ehtiyoji va uning hayoti.

Shoshilinch va tizimli yordam mexanizmlarini rivojlantirish
Favqulodda holatlarda tezkor yordam ko'rsatish bilan birga, muammolarning ildiziga yechim bo'ladigan barqaror va uzoq muddatli loyihalarni yo'lga qo'yamiz.

Ta'lim va o'zini o'zi ta'minlash imkoniyatlarini yaratish
Faqat yordam berish emas, balki insonni oyoqqa turg‘izish - bizning muhim vazifamiz. Ta'lim, kasb-hunar va bilim orqali ehtiyojmandlarni mustaqil hayot sari yetaklaymiz.

Shaffoflik va ishonchni yanada mustahkamlash
Har bir ehsonning qayerga va qanday sarflanayotgani ochiq va aniq bo‘lishi biz uchun prinsipial masala. Ishonch - xayriyaning asosi ekanini chuqur anglaymiz.

Hamkorlik va birdamlikni kuchaytirish
Mahalliy va xalqaro tashkilotlar, ko‘ngillilar va hamfikr insonlar bilan birlashib, yaxshilikni kengroq va samaraliroq yetkazishni maqsad qilganmiz. Yaxshilik - yolg‘iz qilinadigan ish emas.

Yordam geografiyasini kengaytirish
Bizning yordamimiz faqat O'zbekiston bilan cheklanib qolmaydi. Dunyoning turli nuqtalarida qiyinchilikka duch kelgan, urush, ofat yoki qashshoqlikdan aziyat chekayotgan insonlarga yetib borishni maqsad qilganmiz. Inson qadri biz uchun chegaradan ustundir.